2. A RAH AH FIAH RAWH U

2.      A RAH AH FIAH RAWH U                                    Mt 11: 1-6;   7: 15-20

THUHMAHRUAI: He thu hi kum 1992 kum lai v>la Lalpa min p>k ani. BCM Venglai ah hetih lai hian kan la awm. Taksa ch>tna hmanga mi inpe te Lalpan '87 v>l a\anga rawngbawl t<ra tih an nih \antirh a\ang kh^n Kohhran tinah a pawm lo p^wl kha an awm em aw tih t<r niin ka hre ve a. Hei hi an ngaihd^n ni a ka lo hriat ve d^n chuan h>ng =<lna ang chi an pawm loh deuh roh nachhan ni ^wm ber chu; t<nhma lehzual deuhva, thlarau p^wlna chang thar si, zak zum, a \hente chu luhlul tlat mai si te nawr kaltu \hin kha a awmin an hre tlat a. Chu n>n chuan an ngaih polh deuh \hin v^ng niin ka hre ve deuh hlek a. T<n hun a thlarau p^wlna pawh hi chutiang chu la ni zui z>l t<ra a pumhl<m a ngaihd^n an neih ngheh tlat v^ng ani ^wm e. A zong a za chuan ani ka ti bik lo na a, hetih hun lai ah hian a tam ber te kha chu rawngbawl n^n a Lalpan a p>k ni mai ^wm in ka hre ve deuh tlat ani. Chutih lai erawh chuan an tih t<r te chu tih \<l viau mahse an ti hreh ve >m >m mai si a. A ch^ng chuan an hriat l^wk ve deuh roh te ka’n ring a, a zavai erawh chu an hre l^wk hauh lo ang tih ka ring. Thlarau in \<lna in a hruai mai a, a kal pui mai z>l bawk. Chu chu vawi eng emaw z^t chu ka hre ve tlat ani. Ka chang ve chu a ni hauh lo. Chu chu a awih lo p^wl ten, “Thlarau chuan a hre l^wk al^wm,” an ti ani ta ^wm e. A dik hian ka va han ring >m! Thlarau chuan a hrel^wk ngei ngei ang; mahse a hman te hi thlarau an ni lova; mihring an ni tih hriat a \ha ngawt ani. An hriat l^wk loh kh^n \<lna a nei ani mai thei. Hre l^wk se zawng, kal ch^kawm loh fe fe ah kal a ngai ang a, tih hrehawm fe fe te tih a ngai ang a, sawi ch^kawm loh tak tak si sawi ngai a awm si anga, chuv^ngin zaikh^wm & inkh^wm an \hulh luih phah fo ang a, tih t<r tam tak k^rah Lalpa t^n a hnathawktu an v^ng pharh mai leh zual d^wn si ani. Sawi tawh angin kei hi chuan ka chang ve hauh lo na in, an hnung hi ka zui nasa ve hle mai a. Khati tak a sawis>l & dona k^rah pawh kh^n an khingl>t tlat lo mai si \hin kha ropui ka ti hle mai \hin ani.

1.  An ch>tna hmangin thlarauvin hna a thawh tir a, kalna t<r, tih t<r, sawi t<r a hrilh a, chipchiarin sawi d^wn ila sawit<r keima tih ni lovin midang chunga thleng ka hre nual mai. Zah zum av^nga l^m ngam lo an l^m phah a, zak chunga tih t<r anih av^ngin a zakzum deuh te pawh an zahloh theih phah a. Councelling mamawh in piantharna an chan phah a. An taksa kha thlarauvin a thunun tlat v^ngin anmahni ngeiin an tih ngam loh kha an tih phah anih kha. Chumi ph>nah chuan a der alo buai ve t^wk pawh an awm. Hn^wl an ni mai rih bik si lo. H>ng av^ng te hi ani ang a awih lo tu p^wl an hel tlat nachhan kha.

2.   Kan ch^ng thlan hi Lal Isuan baptisma chan a tum lai a Baptistu Johanan a bula mite a kawh hmuhna thu ani a, Lal Isua chanchin kha a hre chiang ^wm hle mai. “Pathian Ber^m No, khawv>l sual kalpui tu t<r,” a ti ani. Chuti taka a chanchin hre chiangsa si, thlarauva Lal Isuan hna a han thawh tak tak chuan, “Lo kal tura chu i ni nge, midang kan la ngai dawn?” a ti ch<l mai ani. Lal kawng sialtu chanchin Lal Isuan tih tak meuhva a sawi l>t ve na a hmeichhe hrin zingah ani aia ropui z^wk la awm ngai reng reng lo a tih - Mt 11:11 & vantirhkoh in a chanchin a sawi Lalpa ngaiha mi lian, a nu pum chh<ng a\ang r>nga Thlarau Thianghlim a khat leh Lalpa hma a kal a, Elija rilru leh a thiltihtheihna keng a, Israel mi tam tak simtir leh a hawikir tir tu Baptistu Johana mah heti hi niin, a buai ani a- Lk 1:15! Helai a thlarau zia hrechiang in ti te, thlarau mi inti te, hlims^ng changs^ng inti te mualpho rap rap na t<r a, thil awmlote n>n lama thlangtu- 1Kor 1: 26-28 in a hna a han thawk tak tak mai chu buai nak nak na t<r ani r>ng ang.

3. Tihd^n pangngai a neih a, thusawi lai a lo mutthl<k a, zai a hun a, lam t<r a tho har nih hlauva, duh hun a tlawr viau ringawt kha Lalpa duhd^n ani reng reng lova ni. Sualin a hna thawh d^n a thl^k sak ang z>lin a hneh t^wk lekin Thlarau Thianghlim chuan mi inpe te a hmang \hin a. Boruak a thuneihna neitu chu hneh a a awm theihna t<r chuan thil awmsa ni lote chu kan hriat leh kan hman thiam d^n t<r ang z>lin min p>k a lo tiam tawh a- Joh 16: 12-14. A hmangtu leh a hman a te hi thlarau in hna a thawhna ah hian an buai lo. A dawng ve lotu te hi an ni buai \hin ni.

4. Buh lem leh Buh tak te chu \o za ho phalsak ani rih tlat si a. Chuv^ngin t<n hun ah pawh kan hriat t<r pawimawh Lal Isua thu min chah chu A RAH AH FIAH RAWH U tih hi ani. Johana tirkoh ten Lal Isua an va biak lai a Lal Isua chh^nna chu: A thawh rah ah fiah t<r a ti daih mai. A buk ch> ah a soi lova, a thawktu ah a ti bok lo. A thawhna mi ah a ti chuang lo. Chu \<lna hnathawh chuan enge a hrin tih z^wk hi ani hre t<ra a tih  a, pawm t<r a tih ka rin z^wk chu ni. Chumi hma chuan a dik lo ta anih pawhin hm>lma pa tih ni mahse, pawh phawi a phal lo, a tak awm kha an pawt phawi palh ang tih a hlau ani. A lem ni mahse an pawh phawina chuan a zung kaihna lei kha a ti che ve lo thei d^wn si lo. Chu chuan a tak kha a ti chhe d^wn si. Chu chu a phalloh tawp ani tlat mai. A tak tih chhiat hi kan Lalpa hian a va han hlau ngai >m! Keini lah chuan indim nach^ng kan hre mawlh si lo va maw! Misual lo pakhat, Mosia tihhlum anih ai chuan, Amah nilo chibai va b<ktu mi tam tak te pawh chu chance p>k a duh z^wk si a!

5. Harhna alo thlen ch^ng hian a dik leh dik lo kan hriatna tur chu A RAH anih mai chu. Serthlum k<ngah thei dang a rah ngai si lova. Lo buai vak chi ani love! Inhmang peih te Lalpan a zawng ruai ruai \hin a, ch<ng mite chu a hmang mai ani. Nimin a uire, zu ngawlvei, drugs ngawlvei, KS leh r<kru a sawi lo. Vawiin a sim hi a duh te chu an ni mai ani. Nimin a hlim, Pastor, Upa, Rbt. Evan leh Kohhran a OB te kha a mamawh ber an ni lo. T<na a sipai huaisen ni t<r a, inpe te kha a hman duh leh a mamawh te chu anni mai. T<nah hian ka in p>k loh chuan min duh lo. Nikum a ka in p>kna kha nikum kh^n a her liam pui tawh a, hman tl^k ani tawh lo. Kan nihna te, kan thiamna te, kan chh<ng te hi kan la chhuang em? A rah t<r enge ni ang tih rind^n kan nei meuh em? Kihthl<k ah kan \ang nulh palh ange. Chuv^ngin: Harhna in a hrin te hi kan buaipui d^wn anih chuan AN RAH AH fiah hmasa ang u. Rah an neih hma, a rawn \o chhuak \an chiah tih a\anga buai pui mai lovin.

6:    Lk 1: 36  ah chuan Baptistu Johana kha Lal Isua ai in thla 6 in a upa z^wk tih kan  hria. Lal Isuan Johana chanchin a sawina ah chuan Elija ani tih a sawi a. Johana lo lan kh^n chutiang mi, Lal Isua kawng sialtu tak chu ani tih amah ngei kh^n a in sawi bawk kha- Mk 1: 7;  Joh 1: 19- 27. Le, chutiang mi chu a lo ni reng a. Lal Isua chanchin chu han hre lo chi em ni ang tih ngei t<r ani ta ani. Elija kha rawn piang nawn ni tase, v^nah Lal Isua te n>n an awm ho ngeiin a rinawm. V^n thu chhuak te pawh hre ^wm tak ani. Chuti chunga, “Lo kal t<ra chu i ni nge mi dang..?” tih kha chu a in hmeh lutuk lovin a lang e. Lal Isua a hriatfiah loh lai kan sawi ani a. Midang baptisma a chan tir d^wn lai te kh^n a hmu fiah hle chuan a lang bawk si. Pathian Ber^m No khawv>l sual kalpuitu t<r ani tih a hrechiang hle a, a bul a mite, a baptisma chang t<r te hn>nah chu chu a sawi kha ani a. Pathian Thuthiam ten an sawifiah d^n erawh chu, “Elija tak kha ni lovin, Elija rilru pu mi tih sawina \awngkam ani a hman,” an ti a. Mahse kei chuan a nih leh nih loh ka va hre ve miah lo. Lal Isua hma ah a kal a, a kawng t<r te lo va sial l^wktu anih thu chu hi Is 40: 3, Mal 3: 1; Mk 1: 2 ah kan hmu ani. Chutiang mi in hna a han thawh tak tak meuh chuan a ring leh lo nge ni a, a hre chiang leh ta lo z^wk tih hriat a harsa ta. A finfiah na erawh chu a duh tih a hriat e. Engpawhnise, harhna chungchang ah te, thil dangah te pawh ani a, sawi t^k ang kh^n Thlarau Thianghlimin hma a han l^k tak tak hi chuan hre ril leh chang s^ng inti te hi an t> chem chem \hin a, an hriat hnem poh leh an hrelo tih an in hre \hin. Pu Dohleia, kan Bible bu mal vawn chhuah nei ngah p^wl ani ang an tih a hian, ‘Ka hriatloh zia pawh ka hre lo,’ a ti an ti. A hriatloh zia pawh a hre pha lo anih chu! Keini ve, \awng\ai tam, hre tam, hmu ril, dai th<k, Bible hria etc kan inti ve hi chu maw, a zia lo lutuk a, a hahthl^k lutuk a ni. Kan Bible ril zia hi khawv>l mithiam te mahin an hre pha ngai lo ani si a. Kraws phunna kua mahni kut ngei a zena, a th<k z^wng teh ngat tawh te, mit ngei a, a hmun a hmuh ai pawhin ralkhat m>l s^ng tam a hla a\anga a fiah z^wk thu an sawi te kan hria emaw chu? Kraws thu, Thlarau Thianghlim inpuan chhuahna hi mit l^wngin chiang lo mahse thlarau mitin a chiang z^wk daih an ti! Tu t^n mah hriat zawh ph^k loh Thlarau Thianghlim a nih av^ng hian, a dik leh dik loh hi chu Isua Krista chanchin a \ha lamin a sawi em, a chawimawi em tih hi a pawimawh ber a, kan en fiahna t<r pawh chu z^wk chu ani. Amah ngeiin, “Khap tawh suh u, tumah ka hminga thil mak ti si a, mi sawi chhe ngh^l thei an awm lo,” a ti tlat mai ani - Mk 9: 39.